هشاشة العظام.. لما عضمك يبقى هش زي الإزاز!

إيه هي هشاشة العظام؟
هشاشة العظام (Osteoporosis) مرض بيخلي العضم ضعيف وهش، لدرجة إنه ممكن يتكسر من أقل خبطة أو حتى حركة بسيطة زي العطس أو الانحناء! المشكلة إن المرض ده بيتطور في صمت، وناس كتير مش بتاخد بالها غير لما يحصل كسر فجأة.

مين أكتر عُرضة للإصابة؟
🔹 الستات بعد سن الـ50، خصوصًا بعد انقطاع الطمث بسبب نقص هرمون الإستروجين
🔹 الرجالة بعد سن الـ60، لكن بنسبة أقل من الستات
🔹 اللي عندهم تاريخ عائلي مع هشاشة العظام
🔹 الناس اللي بياكلوا أكل قليل الكالسيوم وفيتامين د
🔹 المدخنين واللي بيشربوا كافيين ومشروبات غازية كتير
🔹 اللي مش بيمارسوا رياضة وبيفضلوا الكسل والراحة طول الوقت

الأعراض اللي لازم تاخد بالك منها
⚠️ ألم مستمر في الظهر بسبب ضعف الفقرات
⚠️ تقوس العمود الفقري وانخفاض الطول مع الوقت
⚠️ سهولة كسر العظام من أقل خبطة

📊 إحصائيات مرعبة عن هشاشة العظام
📌 في مصر، واحد من كل أربعة أشخاص فوق سن الـ50 بيعاني من هشاشة العظام بدرجات مختلفة
📌 عالميًا، كل 3 ثواني3 بيحصل كسر بسبب هشاشة العظام!
📌 النساء معرضات للإصابة 4 أضعاف الرجالة
📌 حوالي 20% من المصابين بكسر في الفخذ بسبب الهشاشة بيموتوا خلال السنة الأولى من الكسر بسبب المضاعفات الصحية 😨

إزاي نحمي نفسنا؟
✔️ التغذية السليمة: لازم تزود الكالسيوم في أكلك (لبن، زبادي، جبنة، سمك السردين) وفيتامين د (صفار البيض، الكبدة، التعرض للشمس)
✔️ الرياضة: المشي، الجري الخفيف، وتمارين المقاومة بتساعد في تقوية العظام
✔️ تجنب التدخين والكافيين والمشروبات الغازية لأنها بتقلل امتصاص الكالسيوم
✔️ الفحص الدوري: تحليل كثافة العظام (DXA scan) بيكشف عن الهشاشة بدري

💡 نصيحة ذهبية
متستناش لحد ما يحصل كسر عشان تكتشف إن عندك هشاشة! اهتم بصحتك من دلوقتي، لأن العضم القوي مش رفاهية، ده استثمار في مستقبلك! 🦴💪\

أ,د حسام الدين محمد جاد

استشاري جراحات العظام والعمود الفقري