التهابات المهبل والرحم من أكتر المشاكل اللي بتقابل الستات في كل الأعمار. والمشكلة إن كتير منهم بيكسلوا يروحوا للدكتور أو بيستحملوا الوجع لحد ما الموضوع يكبر ويعمل مضاعفات.
الإحصائيات بتقول إن حوالي ٧٥٪ من الستات هييجيلهم التهاب مهبلي على الأقل مرة واحدة في حياتهم، وكمان حوالي ٤٠٪ منهم ممكن تتكرر معاهم العدوى أكتر من مرة! 😯
طيب، إيه أسباب التهابات المهبل والرحم؟
-
عدوى بكتيرية أو فطرية (زي العدوى المشهورة بالكانديدا).
-
استخدام غسولات مهبليه غلط أو مبالغ فيها.
-
ضعف المناعة أو وجود أمراض مزمنة زي السكر.
-
لبس هدوم داخلية ضيقة أو مصنوعة من خامات صناعية.
-
العلاقة الزوجية (ممكن تنقل بعض أنواع العدوى).
-
التغيرات الهرمونية خصوصًا وقت الحمل أو مع سن اليأس.
أعراض التهابات المهبل والرحم:
-
حكة أو حرقة في المهبل.
-
إفرازات غير طبيعية (لونها أو ريحتها مش طبيعيين).
-
ألم وقت العلاقة الحميمة.
-
ألم أو ضغط في أسفل البطن.
-
ممكن كمان يحصل نزيف بسيط مش مرتبط بالدورة.
إمتى لازم تروحي للدكتور؟
لو حسيتِ بأي من الأعراض دي، خصوصًا لو استمر الموضوع أكتر من يومين أو ثلاثة، أو لو فيه ألم شديد أو إفرازات غريبة، لازم تتوجهي لدكتور نسا فورًا.
العلاج بيكون إزاي؟
-
مضادات حيوية أو فطرية حسب نوع العدوى.
-
نصايح للعناية اليومية زي لبس قطن ١٠٠٪، وعدم استخدام أي منتجات معطرة للمنطقة الحساسة.
-
وفي بعض الحالات المتقدمة، الدكتور ممكن يطلب تحاليل إضافية أو مسحات مهبلية علشان يتأكد من نوع العدوى بالظبط.
نصيحة مهمة:
ما تعتمديش على الوصفات الشعبية أو العلاجات البيتية من غير استشارة طبيب! ممكن تخلي الحالة تسوء بدل ما تتحسن.
أ.د ماجد عطيه جاب الله
استشاري امراض النسا والتوليد والحقن المجهري