تصلب الشرايين من الأمراض اللي بتيجي بهدوء وتسرح في الجسم من غير ما نحس، وللأسف ممكن تبقى سبب رئيسي في جلطات القلب والمخ ومشاكل صحية خطيرة.
يعني إيه تصلب شرايين؟
ببساطة، الشرايين اللي المفروض تبقى لينة ومرنة عشان الدم يعدي منها بسهولة، بيبدأ يتراكم جواها دهون وكوليسترول وكالسيوم. مع الوقت، الجدار بتاع الشريان يبقى تخين وقاسي، والدم مش بيوصل كويس للأعضاء.
إيه أسبابه؟
-
أكل مليان دهون وزيوت غير صحية.
-
التدخين (حتى لو سلبي).
-
قلة الحركة والكسل.
-
ارتفاع ضغط الدم أو السكر من غير علاج.
-
عامل السن: كل ما بنكبر، الشرايين بتتأثر أكتر.
-
الوراثة: لو في تاريخ عائلي، الخطر بيزيد.
أعراضه بتكون إيه؟
الغلاسة بقى إن تصلب الشرايين في أوله ملوش أعراض خالص! بس لما يزيد يعمل مشاكل زي:
-
وجع أو ضيق في الصدر (ذبحة صدرية).
-
تعب شديد مع أقل مجهود.
-
ألم في الرجلين مع المشي (بسبب قلة الدم الواصل ليها).
-
جلطات قلبية أو دماغية لو الأمور ساءت.
إحصائيات مهمة:
-
منظمة الصحة العالمية بتقول إن أمراض القلب اللي سببها الأساسي تصلب الشرايين مسؤولة عن أكتر من ١٧ مليون وفاة سنويًا!
-
دراسة حديثة في مصر لقت إن حوالي ٤٠٪ من المصريين فوق سن الأربعين عندهم درجة من درجات تصلب الشرايين، سواء حسّوا بيه أو لأ.
طيب نتصرف إزاي؟
-
نتابع ضغط الدم والسكر والكوليسترول بانتظام.
-
نلعب رياضة حتى لو بسيطة زي المشي كل يوم نص ساعة.
-
ناكل أكل صحي (خضار، فواكه، سمك، زيت زيتون بدل الزيوت المهدرجة).
-
نبطل تدخين فورًا.
-
نزور دكتور بانتظام، حتى لو مش حاسين بحاجة.
كلمة أخيرة:
تصلب الشرايين مش بييجي في يوم وليلة، ولا بيبان فجأة. هو مرض بيبني نفسه سنة ورا سنة. علشان كده، الوقاية دايمًا أحسن بكتير من العلاج. خليك دايمًا حريص على صحتك.. علشان تعيش أطول وأحلى!
أ.د السيد كمال
استشاري امراض القلب والشرايين والاوعيه الدمويه