كتير من البنات والستات بيعانوا من أعراض غريبة: شعر بيطلع في أماكن مش طبيعيه، دورة ملخبطة، وزن بيزيد فجأه، ووشهم بيتملي حبوب.
ومع الوقت يكتشفوا إن السبب هو “تكيس المبايض”، اللي بيعتبر من أكتر الأمراض شيوعًا بين الستات في سن الإنجاب.
📊 يعني إيه تكيس مبايض؟
هو اضطراب هرموني بيخلّي المبيض يكوّن أكياس صغيرة (حويصلات) مليانة بويضات مش بتكمل نموها… وده بيأثر على التبويض والحمل.
🔍 نسبة الإصابة قد إيه؟
-
حسب منظمة الصحة العالمية، حوالي ١ من كل ١٠ ستات بيعانوا من تكيس المبايض!
-
في مصر، الدراسات بتقول إن حوالي ٢٥٪ من البنات والسيدات في سن ١٨–٤٤ ممكن يكون عندهم تكيس بدرجات مختلفة… وكتير منهم مش عارفين 😔
💡 أعراضه إيه؟
-
دورة ملخبطة أو مش بتيجي خالص.
-
صعوبة في الحمل.
-
حبوب في الوش (خاصة تحت الجلد).
-
شعر زيادة في أماكن زي الدقن والصدر.
-
تساقط شعر الرأس.
-
زيادة الوزن، خصوصًا حوالين البطن.
-
أحيانًا اكتئاب أو تقلبات مزاجية.
⚠️ لو اتأخر العلاج؟
-
ممكن يسبب عقم مؤقت.
-
يزيد خطر الإصابة بـ سكر النوع التاني.
-
مشاكل في القلب وضغط الدم.
-
وساعات يسبب سرطان بطانة الرحم (لو الدورة مش بتيجي لفترات طويلة).
✅ يتعالج إزاي؟
-
تغيير نمط الحياة:
-
الأكل الصحي.
-
الرياضة (حتى المشي نص ساعة في اليوم يفرق).
-
نزول الوزن لو في زيادة.
-
-
أدوية:
-
لتنظيم الدورة.
-
تنشيط التبويض لو في نية للحمل.
-
علاج حب الشباب أو الشعر الزايد.
-
-
لو في تأخر حمل:
-
ممكن نلجأ لتنشيط المبايض أو الحقن المجهري حسب الحالة.
-
💬 نصيحة من القلب:
لو بتحسي بأي من الأعراض دي، ماتسكتش. روحي لدكتور نسا يعمل لك سونار وتحاليل هرمونات.
كل ما تكتشفي بدري، كل ما العلاج يكون أسهل ونتيجته أحسن.
أ.د معتز فؤاد عبدالمجيد
استشاري امراض النسا والتوليد والحقن المجهري