زيزو : أنا مش دايما شايف نفسي نجم.. والمنافسة في الأهلي صحية

أحمد السيد “زيزو” يعبر عن مشاعره بعد أول ظهور مع الأهلي في مباراة باتشوكا الودية

عبر أحمد السيد “زيزو”، لاعب النادي الأهلي الجديد، عن شعوره عقب ظهوره الأول بقميص الفريق الأحمر في مباراة باتشوكا الودية، مؤكداً أنه يقيّم نفسه بمعايير شخصية بعيداً عن الضجة الإعلامية والتفاعل على مواقع التواصل الاجتماعي.

وفي تصريحات خاصة لقناة “أون”، قال زيزو:
“بحب أقيم نفسي بنفسي، حتى لو الناس كلها قالت إني نجم الماتش والسوشيال ميديا اتجننت عليا، ساعات جوايا بحس إني مش الأفضل، وده اللي بيخليني أطور من نفسي دايماً.”

وأضاف:
“المنافسة داخل الأهلي قوية وصحية، ودي حاجة كويسة جدًا. كل اللاعبين كبار وعندهم طموح، وهدفنا نوصل بالنادي لأبعد نقطة في كل البطولات، وده بيخلينا كلنا نبذل أقصى جهد.”

وعن مشاركته المفاجئة في مواجهة باتشوكا، أوضح:
“بصراحة ماكنتش متوقع ألعب. وصلت النادي قبل المباراة بـ24 ساعة، وما لحقتش أتمرن مع الفريق غير تمرينة خفيفة قبل الماتش. لكن المدير الفني قال لي إنهم محتاجينني أشارك على طول.”

وتابع زيزو:
“كنت متحمس ومستعد ألبس تيشيرت الأهلي، واتفقنا ألعب 15 أو 20 دقيقة. كنت هبدأ أسخن في الدقيقة 55، لكن لما حصلت إصابة لجراديشار، نزلت بدل منه.”

وعن جاهزيته البدنية، قال:
“أنا جاهز 100%، وكنت مركز جداً الفترة اللي فاتت على إني أكون في فورمة كويسة رغم غيابي عن المباريات الرسمية. كنت متخوف شوية، فزودت التمارين على نفسي.”

وختم تصريحاته قائلاً:
“الحمد لله، ظهرت بشكل كويس واطمنت على نفسي في أول مباراة. بعد سفر 24 ساعة ومن غير تمرين، إنك تقدم أداء جيد ده فضل من ربنا، وإن شاء الله القادم يكون أفضل.”