في ناس كتير بتقعد سنين تحاول تخلف ومفيش سبب واضح… بس الحقيقة إن فيه سبب مش معروف لناس كتير، وهو الأجسام المضادة للحيوانات المنوية.
يعني إيه؟
الجسم ساعات بيتعامل مع الحيوانات المنوية على إنها “عدو”، ويبدأ يفرز أجسام مضادة تهاجمها، سواء كانت من الراجل أو الست.
💬 في الراجل:
الجهاز المناعي ساعات بيبدأ يهاجم الحيوانات المنوية بتاعته بسبب جراحة، التهاب، أو إصابة في الخصية.
💬 وفي الست:
الجسم ممكن يفرز أجسام مضادة ضد الحيوانات المنوية بعد العلاقة الزوجية، وده بيخلي فرص التخصيب تقل جدًا.
🧪 الإحصائيات بتقول:
-
حوالي 9%-12% من حالات العقم اللي ملهاش سبب واضح بتكون بسبب الأجسام المضادة.
-
نسبة وجود الأجسام دي في الرجالة اللي عندهم مشاكل في الخصوبة بتوصل لـ 30%-40%.
-
الدراسات بتقول إن وجود الأجسام دي بيقلل فرص نجاح الحمل الطبيعي بنسبة كبيرة، وبيأثر كمان على الحقن المجهري لو متمش علاجه صح.
💡 نعمل إيه لو شكينا في الحالة دي؟
-
بنعمل تحليل اسمه MAR Test أو Immunobead Test علشان نكشف عن الأجسام المضادة.
-
العلاج بيختلف حسب الحالة:
-
في الرجالة: ممكن نستخدم كورتيزون أو نلجأ للحقن المجهري.
-
في الستات: بيتم اختيار توقيت العلاقة أو نلجأ للتلقيح الصناعي/الحقن المجهري.
-
👨⚕️ نصيحة أخيرة:
لو بقلكم فترة بتحاولوا من غير نتيجة، ماتتأخروش في زيارة دكتور متخصص في الخصوبة، علشان الأجسام المضادة دي ملهاش أعراض واضحة، لكن ليها تأثير كبير على فرص الحمل.
أ.د معتز فؤاد عبدالمجيد
استشارى امراض النسا والتوليد والحقن المجهرى