فيه ناس بتلاحظ حبوب صغيرة شبه اللؤلؤ كده، لونها أبيض أو وردي، وناعمة الملمس، ومش بتوجع…
فتفتكرها “حب عادي” أو “دُمل”، بس تطلع حاجة تانية خالص!
الاسم بتاعها يمكن أول مرة تسمعيه:
فيروس المولوسكوم المعدي (Molluscum Contagiosum)
🤔 إيه هو الفيروس ده؟
المولوسكوم هو عدوى فيروسية جلدية، بتسبب ظهور حبوب أو فقاقيع صغيرة ناعمة، بيكون في نصها زي نقطة بيضا.
وبيظهر في أي حتة في الجسم، خصوصًا:
-
الوِش
-
الرقبة
-
تحت الإبط
-
المناطق الحساسة
-
عند الأطفال: ممكن يظهر في الدراعين أو البطن أو الرجلين
🦠 بيتنقل إزاي؟
-
باللمس المباشر
-
استخدام أدوات حد عنده العدوى (فوطة – موس – لبس داخلي)
-
في الكبار: ممكن يتنقل عن طريق العلاقة الحميمة
-
أحيانًا بينتشر بسرعة لو الجلد متعور أو جاف
👶 بيظهر أكتر عند مين؟
-
الأطفال هما أكتر ناس بتظهر عندهم العدوى، خصوصًا لو بيروحوا حضانة أو بيلعبوا مع بعض
-
الناس اللي عندها ضعف في المناعة
-
الرياضيين (زي السباحين) بسبب المياه والأدوات المشتركة
-
الكبار ممكن يجلهم برضو، بس أقل
📊 إحصائيات مهمة:
-
حوالي 8 لـ 12% من الأطفال ممكن يجلهم المولوسكوم في سن الحضانة والمدرسة
-
العدوى ممكن تقعد من 6 شهور لـ 18 شهر قبل ما تروح لوحدها
-
نسبة العدوى أعلى عند الناس اللي بشرتهم حساسة أو عندهم إكزيما
❌ هل هو خطر؟
لأ، مش خطير… لكن معدي جدًا، وممكن يفضل ينتشر في الجسم أو يعدي ناس تانية لو ما اتعالجش أو ما اتاخدتش احتياطات.
🧴 العلاج بيكون إزاي؟
-
كريمات موضعية (حسب وصف الطبيب)
-
أحيانًا بيتشال بوسائل زي:
-
التبريد (الكي بالتجميد)
-
الكي الكهربائي
-
الليزر (في الحالات اللي مش بتستجيب)
-
بس الأهم من ده كله هو منع الانتشار، زي:
-
متلمسش الحبوب
-
متخليش أطفالك يهرشوا فيها
-
ماتستخدمش أدوات حد
-
اغسل إيدك كويس بعد لمس أي حبوب
💡 ملحوظة:
لو ابنك أو بنتك طلعله الحبوب دي، متقلقيش… بس لازم تروحي لدكتور جلدية، خصوصًا لو الحبوب بتزيد أو بتنتشر بسرعة.
أ.د محمد خميس
استشاري امراض الجلديه والتجميل والليزر