👶🎧 ودن طفلك بتوجعه؟ اعرفي أسباب التهاب الأذن الوسطى عند الأطفال!

من أكتر الحاجات اللي بتقلق الأمهات لما طفلهم يصحى بالليل وهو بيعيط جامد ويمسك ودنه!
في الحالة دي أول حاجة بنفكر فيها:
“يا ترى عنده التهاب في الأذن الوسطى؟”
وده فعلاً من أكتر الأمراض انتشارًا عند الأطفال خصوصًا بعد دور برد أو رشح.

👂 يعني إيه التهاب الأذن الوسطى؟

هو التهاب بيصيب الجزء اللي ورا طبلة الأذن،
وده بيحصل لما تدخل بكتيريا أو فيروس من الأنف أو الحلق للأذن،
فتتجمع إفرازات أو صديد جوه الأذن، وده اللي بيسبب الألم والحرارة.

🔹 طب ليه الأطفال أكتر عرضة من الكبار؟

لأن قناة “استاكيوس” اللي بتوصل بين الأذن والحلق عند الأطفال بتكون:

• أقصر وأضيق

• وبتكون وضعها أفقي أكتر
  وده بيسهّل انتقال الميكروبات من الأنف للأذن بسرعة.

💥 أسباب التهاب الأذن الوسطى عند الأطفال:

1. نزل البرد المتكررة والرشح:

كل مرة الطفل بيتعرض فيها لنزلة برد، البكتيريا أو الفيروس ممكن ينتقلوا للأذن.

2. الرضاعة في وضع غلط:

لما الطفل يرضع وهو نايم على ضهره، اللبن ممكن يوصل للأذن عن طريق قناة استاكيوس ويعمل التهاب.

3. الحساسية الأنفية المزمنة:

بتسبب احتقان وسدد في الأنف، وده يمنع تصريف السوائل من الأذن.

4. ضعف المناعة:

الأطفال اللي مناعتهم ضعيفة بيكونوا أكثر عرضة لأي التهاب.

5. دخان السجاير (التدخين السلبي):

استنشاق الطفل لدخان السجاير بيأثر على المناعة وبيهيّج الأغشية المخاطية، وده بيزوّد فرصة الإصابة بالتهاب الأذن.

6. وجود لحمية خلف الأنف:

اللحمية الكبيرة بتسد القنوات اللي بتصرف السوائل من الأذن، فبيحصل تجمع وإفرازات.

👶 الأعراض اللي لازم تخليكي تروحي للدكتور فورًا:

• شد الطفل على ودنه أو ضربها

• بكاء متواصل وصعوبة في النوم

• سخونية عالية

• ضعف في السمع أو عدم استجابة للأصوات

• خروج إفرازات من الأذن

📊 معلومة مهمة:

🔹 حوالي 75% من الأطفال بيصابوا على الأقل مرة واحدة بالتهاب الأذن الوسطى قبل سن 3 سنين!
🔹 والتهابات الأذن المتكررة ممكن تأثر على السمع مؤقتًا لو ما اتعالجتش كويس.

💚 نصيحة معمل جــــرين للتحاليل الطبية:

لو طفلك بيجيله التهابات متكررة أو سخونية بدون سبب واضح،
ممكن الدكتور يطلب تحاليل تساعد في معرفة السبب، زي:

• صورة دم كاملة (CBC)

• تحليل مناعة

• تحليل حساسية
  وكل التحاليل دي متوفرة بدقة وسرعة في معمل جــــرين للتحاليل الطبية

📍 العنوان: كفر الشيخ – المحاربين الجديدة – برج النخبة – الدور الأول علوي
📞 01027012310 – 0473144858
💚 حلّلي في جــــرين.. واطمني على صحة طفلك من جوه 💚

أ.د وليد علام  

استشارى امراض الاطفال وحديثى الولاده