لما الأكل يفضل في المعدة أكتر من اللازم.. اعرفي ليه بيحصل تأخر تفريغ المعدة!

🍽️ يعني إيه تأخر تفريغ المعدة؟

المعدة المفروض تهضم الأكل وتبعته للأمعاء في وقت محدد، لكن في بعض الحالات بتبدأ المعدة تتكاسل وماتتحركش كويس،
فالأكل يفضل فيها لفترة أطول من الطبيعي، وده بيسبب شعور بالامتلاء، غثيان، وانتفاخ حتى بعد وجبة صغيرة.
الحالة دي اسمها تأخر تفريغ المعدة أو “Gastroparesis”.

⚠️ الأسباب اللي ممكن تؤدي لتأخر تفريغ المعدة

📍 1. مرض السكري (السبب الأشهر):
ارتفاع السكر لفترات طويلة ممكن يأثر على الأعصاب اللي بتحرك المعدة،
فبالتالي تفقد المعدة قدرتها على الانقباض الطبيعي ودفع الأكل للأمعاء.

📍 2. مشاكل في الأعصاب (خصوصًا العصب الحائر – Vagus nerve):
العصب ده هو المسؤول عن حركة المعدة، ولو اتأذى بعد عملية أو مرض معين، بتتأثر حركة المعدة جدًا.

📍 3. العمليات الجراحية في البطن:
زي عمليات استئصال جزء من المعدة أو جراحات المريء، لأنها ممكن تأثر على الأعصاب أو العضلات.

📍 4. بعض الأدوية:
زي أدوية المورفين، ومضادات الاكتئاب، ومضادات الحساسية،
اللي بتبطّأ حركة المعدة كعرض جانبي.

📍 5. أمراض الغدة الدرقية:
خصوصًا قصور الغدة الدرقية (Hypothyroidism)، لأنها بتبطئ عملية الهضم وحركة الجهاز الهضمي كله.

📍 6. أمراض عصبية:
زي مرض باركنسون، أو التصلب المتعدد (MS)، لأنهم بيأثروا على الأعصاب المنظمة لحركة المعدة.

📍 7. أسباب غير معروفة (Idiopathic):
في بعض الحالات، بيحصل بطء في المعدة من غير سبب واضح.

😣 الأعراض اللي بتحصل

• إحساس بالامتلاء بسرعة بعد الأكل

• غثيان أو قيء

• انتفاخ في البطن

• فقدان شهية ونزول في الوزن

• حرقة أو ارتجاع

• تقلب في سكر الدم (خصوصًا عند مرضى السكري)

🔬 التشخيص بيتم إزاي؟

الدكتور بيبدأ بسماع الأعراض، وبعدها ممكن يطلب شوية تحاليل وفحوصات، زي:

• تحليل سكر الدم (FBS – HbA1c) علشان يعرف إذا فيه سكر غير متظبط.

• تحليل الغدة الدرقية (TSH – T3 – T4) لأن قصورها بيأثر على المعدة.

• تحليل وظائف الكبد والكلى للتأكد من سلامة الجسم.

• أشعة أو فحص حركة المعدة (Gastric Emptying Study) لتحديد درجة البطء.

💚 نصيحة مهمة من معمل جــــرين

لو بتعاني من انتفاخ مستمر أو غثيان بعد الأكل، متستهونش بالموضوع!
اعملي التحاليل اللي هتساعد الدكتور يحدد السبب بدقة في معمل جــــرين للتحاليل الطبية 👩‍⚕️

📍 العنوان: كفر الشيخ – المحاربين الجديدة – برج النخبة – الدور الأول علوي
📞 01027012310 – 0473144858
🧪 دقة عالية – سرعة في النتيجة – خصم خاص لمرضى السكر
💚 حللي في جــــرين.. واطمني على صحتك من جوه 💚

د/ابراهيم يوسف

استشاري الباطنه والكبد ومناظير الجهاز الهضمي