التهاب النسيج الخلوي هو عدوى بكتيرية بتحصل في الجلد والطبقات اللي تحته، وبتسبب احمرار، سخونة، ألم، وتورّم في المكان المصاب.
المرض شكله يخوّف… بس علاجه موجود ومهم يتاخد في الوقت الصح عشان مايحصلش مضاعفات.

🔥 إزاي نعالج التهاب النسيج الخلوي؟

1️⃣ المضادات الحيوية هي الأساس

العلاج بيبدأ فورًا بـ مضاد حيوي مناسب، وده الطبيب اللي بيحدّده حسب شدة الحالة:

• حالات بسيطة: مضاد حيوي أقراص زي Amoxicillin-Clavulanic acid أو Cephalexin.

• حالات شديدة أو فيها صديد: مضاد حيوي حقن أو تنويم بالمستشفى عشان يتحقن مضادات أقوى زي Ceftriaxone أو Vancomycin.

⛔ مهم جدًا: ماينفعش علاج منزلي من غير مضاد حيوي.

2️⃣ رفع المكان المصاب

لو الالتهاب في الرجل أو الدراع… رفعه لفوق يقلّل التورّم ويخفّف الألم.

3️⃣ مسكنات للألم

لو فيه وجع شديد، الطبيب ممكن يكتب:

• باراسيتامول

• أو إيبوبروفين (لو مافيش قرحة أو مشاكل بالمعدة)

4️⃣ كمادات دافية

الكمادات الدافية (مش سخنة قوي) بتساعد على تحسين الدورة الدموية وتقليل الألم… خصوصًا لو فيه بداية خراج.

5️⃣ علاج الخراج لو موجود

لو الالتهاب عمل خراج (تجمع صديد)، لازم فتح وتفريغ عند دكتور جراحة… لأن المضاد لوحده مش هيكفي.

6️⃣ متابعة الحالة مهمة

لو بعد 48–72 ساعة من المضاد الحيوي مافيش تحسّن، أو الحالة بتسوء… لازم دكتور يراجع العلاج ويشوف إذا محتاج مضاد أقوى.

7️⃣ تجنب الحكة والجروح

الحكّة أو تهيّج المكان بيزود انتشار البكتيريا، فلازم نحافظ على الجلد نظيف وجاف.

8️⃣ مين أكثر عرضة للإصابة؟

• مرضى السكر

• مرضى ضعف المناعة

• وجود جرح مفتوح أو تشققات بالجلد

• التهاب قدم سكري

• الأمراض اللي بتسبب تورّم مزمن في الرجل

9️⃣ التحاليل المطلوبة لو الحالة متكررة أو شديدة

• CBC

• CRP

• سكر صايم

• مزرعة صديد لو فيه خراج
  التحاليل دي بتساعد نعرف شدة الالتهاب ونمنع تكراره.

📍 اعمل تحاليلك الدقيقة فين؟

في معمل جــــرين للتحاليل الطبية
📌 كفر الشيخ – المحاربين الجديدة – برج النخبة – برج النخبة – الدور الأول علوي
📞 01027012310 – 0473144858
💚 “حللي في جــــرين.. واطمني على صحتك من جوه”

د. محمد فاروق  

استشاري امراض الجلديه والليزر والتجميل