الإنفلونزا عدوى فيروسية بتصيب الجهاز التنفسي، وبتكون أعراضها أقوى من دور البرد العادي. أغلب الأطفال بيخفّوا خلال أسبوع، لكن الرعاية الصح بتفرق جدًا في سرعة التحسّن وتجنّب المضاعفات.
🏠 أولًا: الراحة في البيت أهم علاج
🛌 خلي الطفل يرتاح كويس
💧 قدّم سوائل كتير (ميّه – شوربة – عصاير طبيعية)
🍲 أكل خفيف وسهل الهضم
الراحة بتساعد جسمه يركّز في مقاومة الفيروس 💪
🌡️ علاج السخونية والألم
✔️ خافضات الحرارة المناسبة للأطفال زي الباراسيتامول أو الإيبوبروفين حسب إرشادات الطبيب أو الصيدلي
❌ ممنوع الأسبرين للأطفال لأنه ممكن يسبب مضاعفات خطيرة
الهدف إن الطفل يكون مرتاح مش شرط الحرارة تبقى 37 بالظبط.
👃 تخفيف الكحة والاحتقان
🌬️ محلول ملحي للأنف يساعد على فتح التنفس
💨 جلسات بخار دافي (من غير زيوت عطرية للأطفال الصغيرين)
🍯 معلقة عسل صغيرة للكحة للأطفال أكبر من سنة (ممنوع للرضع أقل من سنة)
💊 هل في أدوية للفيروس نفسه؟
في بعض الحالات، الطبيب ممكن يكتب دواء مضاد للفيروسات (زي أوسيلتاميفير)
وده بيكون مفيد أكتر لو اتاخد في أول 48 ساعة من بداية الأعراض، وخصوصًا للأطفال المعرضين لمضاعفات:
🔹 أقل من 5 سنين
🔹 عندهم ربو أو مشاكل صدر
🔹 مناعة ضعيفة
الأدوية دي لازم بوصفة طبيب 👩⚕️
🚫 المضادات الحيوية مش علاج للإنفلونزا
الإنفلونزا سببها فيروس، والمضاد الحيوي بيشتغل على البكتيريا بس.
الطبيب بيكتبه فقط لو حصلت عدوى بكتيرية ثانوية زي التهاب الأذن أو الصدر.
🚨 إمتى لازم نروح للدكتور فورًا؟
لازم استشارة طبية عاجلة لو ظهر:
⚠️ صعوبة أو سرعة في التنفس
⚠️ زرقة في الشفايف
⚠️ قيء مستمر أو رفض الشرب
⚠️ خمول شديد أو الطفل مش بيصحى بسهولة
⚠️ تشنجات
⚠️ حرارة عالية مستمرة أكتر من 3 أيام
💉 الوقاية دايمًا أسهل من العلاج
تطعيم الإنفلونزا السنوي بيقلل:
✔️ فرص الإصابة
✔️ شدة الأعراض
✔️ المضاعفات الخطيرة
مهم جدًا للأطفال اللي بيروحوا حضانة أو مدرسة 👶🎒
🧪 هل التحاليل مطلوبة؟
غالبًا التشخيص بيكون من الأعراض، لكن أحيانًا الطبيب يطلب:
✔️ تحليل إنفلونزا سريع
✔️ صورة دم لو في شك بمضاعفات
✔️ فحوصات إضافية لو الحرارة مطوّلة
💚 حللي في جــــرين.. واطمني على صحتك من جوه
📍 كفر الشيخ – المحاربين الجديدة – برج النخبة – الدور الأول علوي
📞 01027012310 – 0473144858
✨ خصم خاص وتحاليل دقيقة
د. محمد عجلان
استشاري امراض الاطفال