متلازمة تكيس المبايض أو متلازمة تكيس المبايض (PCOS) من أكتر اضطرابات الهرمونات انتشارًا عند البنات والسيدات في سن الإنجاب.
📊 الإحصائيات بتقول إنها بتصيب تقريبًا 8–13٪ من الستات، وفي حالات كتير بتكون موجودة ومش متشخصة!

طيب إيه أسبابها؟

لحد دلوقتي مفيش سبب واحد مباشر، لكن في عوامل أساسية بتلعب دور كبير 👇

1️⃣ مقاومة الإنسولين

حوالي 50–70٪ من مريضات التكيس عندهم مقاومة إنسولين.
يعني الجسم مش بيستجيب كويس لهرمون الإنسولين، فيفرز منه كمية أكبر، وده يحفّز المبايض تنتج هرمونات ذكورية زيادة، فتظهر أعراض زي:

• اضطراب الدورة

• زيادة شعر في أماكن مش مرغوبة

• حب الشباب

2️⃣ خلل هرموني

زيادة في هرمونات الذكورة (الأندروجينات) بتأثر على التبويض، وده يخلي البويضات متكملش نموها الطبيعي وتتجمع على شكل أكياس صغيرة حوالين المبيض.

3️⃣ عامل وراثي

لو الأم أو الأخت عندهم تكيس مبايض، احتمال الإصابة بيزيد.
الجينات ليها دور واضح في ظهور المتلازمة.

4️⃣ زيادة الوزن

السمنة مش سبب مباشر، لكنها بتزود مقاومة الإنسولين وبتسوء الأعراض.
📌 حوالي 40–80٪ من المصابات عندهم زيادة في الوزن.

5️⃣ التهابات مزمنة بسيطة في الجسم

بعض الدراسات لقت إن في ارتفاع بسيط في مؤشرات الالتهاب عند مريضات التكيس، وده ممكن يكون له علاقة باضطراب الهرمونات.

إمتى أشك إن عندي تكيس؟

✔️ الدورة بتيجي متأخرة أو بتغيب شهور
✔️ زيادة شعر في الوجه أو الجسم
✔️ صعوبة في الحمل
✔️ زيادة وزن مفاجئة
✔️ حب شباب مستمر

التشخيص بيكون إزاي؟

🧪 تحاليل هرمونات (LH – FSH – Testosterone – Prolactin)
🧪 تحليل سكر وإنسولين صايم
📸 سونار على المبايض

التشخيص بدري بيساعد نتحكم في الأعراض ونمنع مضاعفات زي:

• تأخر الحمل

• زيادة خطر الإصابة بالسكر النوع التاني

• مشاكل في ضغط الدم والدهون

📍 حللي في جــــرين.. واطمني على صحتك من جوه 💚

🔬 جــــرين للتحاليل الطبية
خصم خاص وتحاليل دقيقة بأحدث الأجهزة

📍 العنوان: كفر الشيخ – المحاربين الجديدة – برج النخبة – الدور الأول علوي
📞 01027012310 – 0473144858

لو دورتك مش منتظمة أو حاسة بتغيرات غريبة في جسمك… متستنيش 💜 التحاليل أول خطوة تطمني بيها على صحتك.

أ.د ندا الغنام 

استشارى امراض النسا والتوليد والحقن المجهرى