🩺 يعني إيه ارتجاع الصمام الميترالي؟
القلب فيه أربع صمامات وظيفتهم إن الدم يمشي في اتجاه واحد.
الصمام الميترالي بيقع بين الأذين الأيسر والبطين الأيسر، ووظيفته إنه يسمح بمرور الدم من الأذين للبطين، ويمنع رجوعه تاني.
لكن لما الصمام ده يضعف أو يتأذى، الدم بيرجع تاني في الاتجاه الغلط — وده اللي بنسميه ارتجاع الصمام الميترالي.
⚠️ طيب إيه اللي بيخلي الصمام يرجع الدم؟ (الأسباب)
📍 1. الحُمّى الروماتيزمية (Rheumatic Fever):
من أشهر الأسباب، وبتيجي بعد التهابات الحلق أو اللوز اللي ما اتعالجتش كويس، وبتسبب تلف في الصمام.
📍 2. ضعف في عضلة القلب:
لما عضلة البطين الأيسر تضعف، الصمام بيتأثر ومابيقفلش كويس.
📍 3. ارتخاء الصمام الميترالي (Mitral Valve Prolapse):
يعني الصمام بيترخي أو بيخرج شوية من مكانه الطبيعي، وده بيخليه يقفل بشكل غير كامل.
📍 4. جلطة أو أزمة قلبية سابقة:
الجلطة ممكن تأثر على العضلات اللي بتحرك الصمام، فتبوز وظيفته.
📍 5. التهاب بطانة القلب (Endocarditis):
بكتيريا بتهاجم الصمام وبتعمل التهابات أو تلف فيه.
📍 6. أسباب خلقية:
في بعض الناس بيتولدوا بصمام مش طبيعي من البداية.
📍 7. التقدم في العمر:
مع الوقت والسن، الصمام ممكن يتآكل أو يضعف.
❤️ الأعراض اللي ممكن تحس بيها
-
ضيق نفس، خصوصًا مع المجهود.
-
خفقان أو ضربات قلب سريعة.
-
تورم في الرجلين أو القدمين.
-
دوخة أو تعب عام.
-
كحة فيها بلغم أو دم أحيانًا (في الحالات الشديدة).
🔍 التشخيص بيتم إزاي؟
الدكتور بيسمع صوت القلب بالسماعة، ولو شك في ارتجاع الصمام بيطلب:
-
موجات صوتية على القلب (Echocardiography) — أهم فحص لتحديد درجة الارتجاع.
-
رسم قلب (ECG) علشان يشوف كهرباء القلب.
-
أشعة صدر (X-ray) علشان يعرف حجم القلب والرئتين.
-
تحاليل دم لتقييم وظائف الكلى، والكهارل، وإنزيمات القلب.
💉 والتحاليل دي كلها تقدر تعمليها فين؟
طبعًا في معمل جــــرين للتحاليل الطبية 💚
لأننا بنوفر:
-
🔬 تحاليل وظائف الكبد والكُلى.
-
🧪 تحاليل إنزيمات القلب والدهون.
-
💰 خصومات خاصة لمرضى القلب والمتابعة الدورية.
-
🕒 نتائج دقيقة وسريعة تحت إشراف أطباء متخصصين.
📍 العنوان: كفر الشيخ – المحاربين الجديدة – برج النخبة – الدور الأول علوي
📞 01027012310 – 0473144858
💚 حللي في جــــرين.. واطمني على صحتك من جوه 💚
أ.د السيد كمال
استشارى امراض القلب والشرايين والاوعيه الدمويه